Gray yoxsa Grey?

Gray yoxsa Grey?

Hər iki söz tərcümədə eyni mənanı verir, lakin onlar arasında bir sıra fərqlər vardır. Bu gün bu haqda danışmaq istərdim.

1. İlk və ən çox bilinən fərqi odur ki, "gray" Amerikan, "grey" isə Britan ingiliscəsində daha geniş yayılmışdır. 

Ps. Bunu yadda saxlamaq üçün kiçik bir sirr verim, Amerika sözündə “a” hərfi vardır və həmçinin "gray" sözü "a" ilədir, Britan ingiliscəsi isə İnqiltərədə istifadə olunur, "England" sözü də “e” ilə başlayır və həmçinin "grey" sözündə də "e" vardır.

2. İkinci bir fərqi daha çox rəng bildirməsi ilə, sənətlə və rəssamlıqla ( məsələn: şəklə kölgələr verərkən və ya tonunu seçərkən istifadə oluna bilər ) bağlıdır. Belə ki, "gray" sadəcə ağ və qaranın qarışığı olduğu halda, "grey" az da olsa mavi rəgi özündə cəmləyir.

3. "Gray" dəyişkəndir və fərqli nitq hissələri kimi istifadə oluna bilir. 

a) İsim kimi işlənəndə rəngin kölgəsinə xitabən işlənir. 

Məsələn:

The walls were painted an ominous shade of gray. 

Divarlar bozun qorxulu çaları (kölgəsi) ilə rənglənmişdir. 

b) Sifət kimi işlənəndə rəngi, həmçinin əşya və ya insanın nəyəsə marağı olmamasını və xaraktersizliyini də ifadə edə bilir. 

Məsələn:

They marched onward, as a line of gray, faceless men. 

Onlar nizamla boz, simasız kişilər kimi irəliləyirdilər. 

c) Feil kimi işlənəndə yaşlanmaq mənasına gəlir. 

Məsələn:

David’s hair began graying as a teenager. 

Davidin saçları gənc ikən bozarmağa (ağarmağa) başladı. 

❗️Bunların hamısına baxmayaraq xüsusi hallar var ki, onlarda bu iki sözü əvəz etmək olmaz. 

1. Kiminsə soyadı "Grey"dirsə onun əvəzinə "Gray" demək olmaz. 

2. Heyvanın rəngi ilə heç bir əlaqəsi olmamasına baxmayaraq, it cinsi olan "greyhound" heç bir zaman "grayhound" deyilə bilməz. Həmçinin, eyni adda olan "Greyhound" avtobus servisi kompaniyası üçün də eynisi doğrudur. 

3. Enerjini ölçüsü olan "gray". Bir "gray" yüz "rads"a bərabərdir.

Gündəlik paylaşımlarla ingilis dilinizi təkmilləşdirmək istəyirsinizsə Instagram səhifəmizi izləyin.